Шигырьләр

  Зөлфәт тәрҗемәсе. Тәкәббер һәм ерак ай калка да Ялгызлыгы өчен үч ала — Һәм кулларын сузып, Лунатиклар Ай артыннан төнлә кузгала. Кыргый зиһен канатларын җәеп Һәм арынып дөнья йөгеннән, Үтә күренмәле сәер җаннар Оча төннең айлы күгеннән. Ерак айның салкын балкышы күк Ерак сәнгать дәшә мине дә, Берни вәгъдә итми алҗашка ул — Әмма … Read moreЛунатиклар

Зөлфәт тәрҗемәсе. Оеп яңгыр ява… Сәер бер уй Дер селкетә минем күңелне: Суеш барган чакта туган сабый Шәригатькә хыйлаф түгелме? Кан туена изге Вәрфәләми Бәндәләрне дәшкән ул төндә Яңа туган сабый елаганны Ишетмәде бугай беркем дә.  

Зөлфәт тәрҗемәсе. Ант итәм шул җәйге фотосурәт белән: Син — болдырда. Дар шикелле чалыш болдыр. Мондый болдыр беркемне дә дәшмәс өйгә, Мондый болдыр өйдән генә олактырыр. Яу киеме сыман синец сатин кулмәк Көчле, горур муеныңны алган буып. Утырасың — ат та тузмәс ачлыкның һәм Кайгыларның тынып калган җыры булып.